लॉकडाऊनचा पुढचा टप्पा: काय बंद, काय सुरू; पाहा एका क्लिकवर

 करोनाचा वाढता संसर्ग लक्षात घेऊन राज्यात आणखी एका महिन्यासाठी लॉकडाऊन वाढवण्यात आला आहे. या लॉकडाऊनदरम्यान अनेक प्रकारच्या सवलती देण्यात आल्या आहेत. सोशल डिस्टन्सिंगचे काटेकोरपणे पालन करूनच या सवलती मिळणार आहेत.

 

प्रातिनिधिक फोटो

मुंबई: राज्यात लॉकडाऊन वाढवण्यात आला आहे. ३१ जुलैपर्यंत सर्वत्र लॉकडाऊन राहणार आहे. त्याचवेळी ' मिशन बिगिन अगेन ' ( Mission Begin Again 2.0 ) अंतर्गत जे निर्बंध शिथील करण्यात आले आहेत ती सवलत यापुढेही सुरू राहणार आहे. (

राज्यात १ ते ३१ जुलैपर्यंत मिशन बिगिन अगेनचा दुसरा टप्पा असेल. या टप्प्यात मुंबई, ठाणे, पुणे व अन्य महानगरपालिकांच्या हद्दीत आणि अन्य भागांत नेमके कोणते नियम असतील. कोणत्या गोष्टी सुरू राहणार, काय काय बंद राहणार, यावर एक नजर...

हे आहेत नियम...

> घराबाहेर पडल्यानंतर सार्वजनिक ठिकाणी, कामाच्या ठिकाणी व प्रवास करताना चेहऱ्यावर मास्क घालणे बंधनकारक.
> सार्वजनिक ठिकाणी वावरताना दोन व्यक्तींमध्ये सहा फूट अंतर राखणे बंधनकारक.
> दुकानात पाचपेक्षा जास्त ग्राहकांची गर्दी होणार नाही, याची काळजी दुकानदाराने घ्यायची आहे.
> सोशल डिस्टन्सिंगच्या नियमांसह लग्न समारंभाला परवानगी आहे. ५० पेक्षा जास्त माणसे उपस्थित असू नयेत.
> अंत्यविधीवेळी सुद्धा ५० पेक्षा जास्त लोकांना परवानगी नसेल.

> सार्वजनिक ठिकाणी थुंकणाऱ्यांवर नियमानुसार दंडात्मक कारवाई केली जाणार.
> सार्वजनिक ठिकाणी मद्यपान, पान, तंबाखूचे सेवन निषिद्ध.

कार्यालयांसाठी सूचना

> कर्मचाऱ्यांना वर्क फ्रॉम होम करण्यास अधिकाधिक प्रोत्साहन द्यावे.
> कार्यालयाच्या प्रवेशद्वारावर थर्मल स्क्रीनिंग, हँड वॉश, सॅनिटायझरची व्यवस्था बंधनकारक.
> दोन शिफ्ट दरम्यान प्रवेशद्वार व अन्य सर्वाधिक वावर असणारी ठिकाणं सॅनिटाइझ करणे आवश्यक.
> दोन कर्मचाऱ्यांमध्ये पुरेसे अंतर राहील, दोन शिफ्ट आणि लंच ब्रेकमध्ये गर्दी होणार नाही याची जबाबदारी व्यवस्थापनाची असेल. मुंबई महानगर क्षेत्र, पुणे महानगर क्षेत्र व राज्यातील अन्य महापालिका क्षेत्रांसाठी नियम पुढीलप्रमाणे...

> अत्यावश्यक सेवांची दुकाने आधीच्या नियमानुसारच यापुढेही सुरू राहणार.
> ३१ मे आणि ४ जून २०२० च्या मार्गदर्शक तत्वांनुसार बिगर जीवनावश्यक वस्तूंची दुकाने सुरू राहतील.
> मॉल आणि कॉम्प्लेक्स वगळता सर्व बाजारपेठा, दुकाने सकाळी ९ ते संध्याकाळी ५ या वेळेत उघडतील.                               > मद्य दुकाने जिथे परवानगी आहे तिथे उघडतील. त्यासाठी आधीचेच नियम राहतील.
> आवश्यक आणि इतर वस्तूंची ई-कॉमर्स विक्री करण्यास मंजुरी.
> औद्योगिक कामे करण्यास मंजुरी.
> खासगी आणि सार्वजनिक बांधकाम साइट, मान्सूनकाळातील कामे करण्यास मंजुरी राहील.
> रेस्टॉरंट/किचनला मान्यता. ऑर्डर होम डिलिव्हरी करावी लागेल.
> ऑनलाइन/दूरशिक्षण याला मान्यता असेल.
> सरकारी कार्यालयांमध्ये १५ टक्के उपस्थिती असावी. (आपत्कालीन, आरोग्य आणि वैद्यकीय, आपत्ती व्यवस्थापन, पोलिस, अन्न आणि नागरी पुरवठा वगळता)             > सर्व खासगी कार्यालये १० टक्के किंवा १० कर्मचारी संख्येने (जे अधिक असेल ते) कार्यरत राहतील.
> टॅक्सी, कॅब, रिक्षा, चारचाकी केवळ आवश्यक प्रवासासाठी उपलब्ध असेल. त्यात चालक + दोन जणच प्रवास करू शकतात. दुचाकीवर केवळ चालकाला परवानगी.
> प्लंबर, इलेक्ट्रिशियन, पेस्ट कंट्रोल अशा तंत्रज्ञ यांनी सोशल डिस्टन्सिंग, मास्क, सॅनिटायझर याचा वापर करून काम करावे, गॅरेजची वेळ घेऊन वाहन दुरुस्ती कामे करावीत.
> एमएमआर क्षेत्रात आवश्यक कामे आणि कार्यालयांसाठी आंतरजिल्हा (मुंबई-ठाणे इत्यादी) प्रवास करण्यास मुभा. मात्र खरेदीसाठी जवळच्या मार्केटमध्ये जाणे अपेक्षित. अनावश्यक कामासाठी लांब पल्ल्याचा प्रवास करण्याची मुभा नाही.

> लग्न व त्याअनुशंगाने होणाऱ्या कार्यक्रमासाठी मोकळ्या जागा, लॉन किंवा नॉन-एसी हॉल यांनाच मान्यता. ५० पेक्षा अधिक लोकांची उपस्थिती नको.

> सायकलिंग, रनिंग, वॉक, व्यायाम या सर्व गोष्टींना परवानगी.
> वर्तमानपत्राची छपाई आणि वितरणास परवानगी असेल.
> शैक्षणिक संस्थांचे कर्मचारी पेपर तपासणीचे काम किंवा निकाल जाहीर करणे या कामासाठी प्रवास करू शकतात.
> केशकर्तनालय, स्पा, सलून, ब्युटी पार्लर यांना नियम पाळून कार्यरत राहण्याची मुभा.

> जिल्ह्यांतर्गत एसटी बस सेवेस ५० टक्के प्रवासी क्षमतेसह परवानगी असेल.

लेटेस्ट कमेंट

रस्त्यावर लोकांचे दारू पान सुरू... राज्याचा महसूल भरपूर वाढत आहे... एकही दारूचे दुकानं नियम पाळत आहे का? कोण पाहत आहे... अवघड होणार आहे... देवा सोडावं यातून